Інфармацыйна-бібліятэчны цэнтр

                                                  ЗАЦВЯРДЖАЮ

                                        Дырэктар

                                                                                  ДУА “Цырынская сярэдняя школа”

                                                                         ___________Н.М.Адамушка

                                                              “_____”_________2023

Графік

работы інфармацыйна-бібліятэчнага цэнтра

ІІ паўгоддзе 2022/2023 навучальнага года

П Л А Н

 работы  інфармацыйна – бібліятэчнага  цэнтра 

ДУА “Цырынская сярэдняя  школа”  ў  шосты  школьны  дзень

ІІ  паўгоддзе  2022/2023  навучальны год

                                                                                      ПАЛАЖЭННЕ

аб  інфармацыйна-бібліятэчным цэнтры

Інфармацыйна-бібліятэчны цэнтр уяўляе сабой комплекс сабраных у асобным памяшканні адукацыйных і інфармацыйных матэрыялаў на электронных і папяровых носьбітах, да якіх забяспечаны доступ навучэнцаў і педагогаў.

1. Агульныя палажэнні

1.1. Інфармацыйна-бібліятэчны цэнтр (далей – ІБЦ) створаны для назапашвання, абагульнення даведачных, метадычных матэрыялаў і педагагічнага вопыту сродкамі інфармацыйна-камунікацыйных тэхналогій (далей – ІКТ).

1.2. ІБЦ дае ўмовы для рэалізацыі прынцыпаў даступнасці, бесперапыннасці адукацыі, самастойнасці вучняў і педагогаў у навучанні і выкладанні з выкарыстаннем ІКТ.

1.3. У сваёй дзейнасці ІБЦ кіруецца нарматыўнымі дакументамі Міністэрства адукацыі Рэспублікі Беларусь, галоўнага ўпраўлення адукацыі Гродзенскага аблвыканкама, аддзела адукацыі, спорту і турызму Карэліцкага райвыканкама, Каардынацыйнага савета па праблемах інфарматызацыі сістэмы адукацыі Гродзенскай вобласці, унутранымі лакальнымі дакументамі ўстановы адукацыі, сапраўдным Палажэннем.

2.  Арганізацыйная  структура ІБЦ

2.1 ІБЦ з'яўляецца цэнтрам збору электронных адукацыйных і інфармацыйных рэсурсаў і  ўключае:  электронныя сродкі навучання, распрацаваныя за кошт сродкаў рэспубліканскага бюджэту; электронныя сродкі навучання пераможцаў рэспубліканскага конкурсу «Камп'ютар. Адукацыя. Інтэрнэт»;  электронныя  падручнікі;  вучэбна-метадычныя дапаможнікі, рабочыя праграмы курсаў, навучальныя дапаможнікі, метадычныя рэкамендацыі і г. д.;  электронныя перыядычныя выданні і дадаткі  да іх;  інфармацыйна-бібліяграфічныя базы даных;аўдыёвізуальныя матэрыялы; электронныя сродкі навучання, праграмныя прадукты, распрацаваныя педагогамі ўстановы адукацыі.

2.2 ІБЦ размяшчаецца на базе бібліятэкі ўстановы адукацыі.

2.3Абсталяванне ІБЦ ўключае:

- камп’ютар для аўтаматызацыі працы бібліятэкара, з падключэннем да лакальнай сеткі ўстановы адукацыі і доступам у Інтэрнэт;

- праграмнае забеспячэнне.

2.4 Доступ да інфармацыі, якая змяшчаецца ў ІБЦ, ажыццяўляецца з кожнага камп’ютара ўстановы адукацыі.

2.5 Бібліятэкар арганізуе і вядзе інфармацыйна-бібліяграфічныя базы дадзеных, раздзел “Электронныя падручнікі і навучальныя дапаможнікі”.

2.6 Бібліятэкар установы адукацыі сумесна з педагогамі праводзіць адбор і фарміраванне фонду ІБЦ. Вядзе адзіную базу дадзеных па ўсіх напрамках дзейнасці ІБЦ за кошт пераносу дадзеных з носьбітаў удзельнікаў адукацыйнага працэсу. Забяспечвае абарону і захоўванне інфармацыі і праграмнага забеспячэння. Ажыццяўляе дапамогу навучэнцам і педагогам у іх самастойнай дзейнасці з камп’ютарнымі праграмамі. Інфарміруе  ўсіх удзельнікаў адукацыйнага працэсу аб стане і абнаўленні ІБЦ.

2.7 Намеснік дырэктара па вучэбна-выхаваўчай рабоце праводзіць збор і абагульненне інфармацыі па выкарыстанні матэрыялаў  ІБЦ ў адукацыйным працэсе, кансультуе настаўнікаў па выкарыстанні інфармацыйных сродкаў у адукацыйным працэсе, творчай працы, па самаадукацыі.

2.8 Кіраўніцтва ІБЦ і кантроль за яго дзейнасцю ажыццяўляе дырэктар установы адукацыі, які зацвярджае нарматыўныя загады, Палажэнні і інш., тэхналагічныя дакументы (інструкцыі па эксплуатацыі тэхнічных прылад), планы і справаздачы аб рабоце ІБЦ.

3. Асноўныя напрамкі дзейнасці  ІБЦ

3.1 Стварэнне ва ўстанове адукацыі інфармацыйна-бібліятэчнага  асяроддзя як сферы выхавання і навучання са спецыяльнымі бібліятэчнымі і інфармацыйнымі сродкамі.

3.2 Стварэнне банка  педагагічнай інфармацыі  як аднаго з кампанентаў адзінай інфармацыйнай адукацыйнай сеткі.

3.3 Фарміраванне інфармацыйнага светапогляду навучэнцаў і развіццё ўменняў па інфармацыйнаму самазабеспячэння вучэбнай, прафесійнай і іншай пазнавальнай дзейнасці.

3.4 Стварэнне ўмоў для педагогаў у атрыманні інфармацыі аб педагагічнай і метадычнай літаратуры, новых сродках навучання праз электронныя каталогі, а таксама магчымасць адбору сродкаў навучання, сувязі з педагогамі іншых устаноў агульнай сярэдняй адукацыі, іншых гарадоў, краін, выкарыстоўваючы электронную пошту, сетку Інтэрнэт.

3.5 Фарміраванне навыкаў і ўменняў самастойнай, творчай, пошукава-даследчай дзейнасці навучэнцаў і педагогаў.

3.6 Стварэнне ўмоў навучэнцам, педагогам для выкарыстання  электронных падручнікаў, кніг, перыёдыкі, прагляду відэазапісаў, працы з камп’ютарнымі праграмамі.

4. Фінансаванне, матэрыяльна-тэхнічнае забеспячэнне

4.1. Фінансаванне дзейнасці ІБЦ адбываецца  за кошт пазабюджэтных сродкаў, а таксама за кошт сродкаў раённых мэтавых праграм і іншых крыніц фінансавання, не забароненых заканадаўствам Рэспублікі Беларусь.

5. Парадак зацвярджэнняПалажэння і ўнясення ў яго змяненняў

5.1 Палажэнне аб ІБЦ прымаецца рашэннем педагагічнага савета ўстановы адукацыі.

5.2 Пры неабходнасці  ў Палажэнне аб ІБЦ могуць быць унесены змены і дапаўненні па ініцыятыве аддзела адукацыі, спорту і турызму Карэліцкага райвыканкама, установы адукацыі.

Задачы   ІБЦ

• Забеспячэнне адукацыйнага працэсу ўстановы адукацыі і самаадукацыі вучняў, педагогаў шляхам бібліятэчнага і інфармацыйна - бібліяграфічнага абслугоўвання.

 • Фарміраванне ў навучэнцаўінфармацыйнай культуры, культуры чытання, уменняў і навыкаў незалежнага бібліятэчнага карыстальніка.

• Папулярызацыя духоўна-культурнай спадчыны.

• Камп'ютарызацыя бібліятэчных працэсаў, фарміраванне школьнага медыяцэнтра.

• Прыцягненне пазабюджэтныхсродкаў на развіццё бібліятэкі.

• Арганізацыя камфортнага бібліятэчнага асяроддзя.