Апошні школьны званок
30 мая 2019 г. ва ўстанове адукацыі была праведзена ўрачыстая лінейка, прысвечаная апошняму школьнаму званку. На цырымоніі з цёплымі словамі ў адрас рабят выступілі многія госці гэтага важнага свята.
Адамушка Наталля Мікалаеўна, дырэктар установы адукацыі, падвяла вынікі работы за год, выказала словы падзякі вучням, якія дабіліся поспехаў у вучобе, у спорце, пажадала выпускнікам поспехаў пры здачы школьных экзаменаў, уручыла граматы вучням, якія дабіліся поспехаў у вучобе, спорце, а таксама ўручыла граматы настаўнікам, якія дабіліся поспехаў у рабоце, бацькам – за актыўны ўдзел у жыцці школы.
Лабоцкая Жанна Яўгеньеўна, класны кіраўнік 11 класа, выразіла ўдзячнасць рабятам за стараннасць у вучобе і за актыўны ўдзел у жыцці класа.
Мулярчык Таццяна Канстанцінаўна, першая настаўніца гэтых рабят, напомніла ім, якія яны былі, калі пераступілі парог нашай школы.
З пажаданнямі поспеху ў далейшым дарослым жыцці выступілі ганаровыя госці - Пянькоўская Ірына Леанідаўна, старшыня Карэліцкай раённай арганізацыі Беларускага прафсаюза работнікаў аграпрамысловага комплексу, дырэктар КСУП “Цырын-Агра” Янкоўскі Аляксандр Мікалаевіч, старшыня Цырынскага сельскага Савета Гомза Аксана Віктараўна, заслужаны настаўнік БССР Сачыўка Пётр Паўлавіч.
Шуляк Святлана ад асобы ўсіх бацькоў выпускнікоў пажадала поспеху ў маючых адбыцца выпускных іспытах.
Па традыцыі выступілі і самыя юныя вучні – першакласнікі.
Выпускнікі выступілі са словамі падзякі ў адрас усіх настаўнікаў, бацькоў і работнікаў школы.
У канцы лінейкі рабяты выпускнога і 9 класаў станцавалі школьны вальс, і для 5 выпускнікоў прагучаў самы галоўны, развітальны, журботны і радасны адначасова апошні званок.
Права даць апошні школьны званок было даручана выпускніку 11 класа Адамушка Мацвею і вучаніцы 1 класа Кастусік Вікторыі.
Свята прадоўжылі вучні ўсіх класаў канцэртам-віншаваннем.
Уперадзе нашых выпускнікоў чакае здача школьных экзаменаў, ЦТ, паступленне ў другія вучэбныя ўстановы. Ад усёй душы жадаем ім упэўненасці ў сябе, удачнай здачы іспытаў, самарэалізацыі, дасягнення пастаўленых мэт.
У добры шлях, дарагія выпускнікі!
