Бывай, пачатковая школа
30 мая 2019 г. ва ўстанове адукацыі прайшло ўрачыстае мерапрыемства "Бывай, пачатковая школа", падрыхтаванае класным кіраўніком 4 класа Зінчанка Г.М. і навучэнцамі 4 класа. Сёлета выпускнікамі пачатковых класаў сталі 1 хлопчык і 2 дзяўчынкі. Каралько Аляксандр – лепшы саліст у школе, займаецца ў дзіцячай школе мастацтваў, Скіпар Аляксандра і Гулецкая Ірына цікавяцца спортам.
На мерапрыемстве прысутнічалі родныя чацвёртакласнікаў, настаўнікі, вучні. Выпускны клас невялікі па колькасці дзяцей, але вучні змаглі падрыхтаваць цікавую канцэртную праграму: спявалі песні, дэкламавалі вершы, выконвалі творы на музычных інструментах. Вучні 1, 2, 3 класаў не асталіся ў баку. Яны выступілі з песнямі, вершамі, танцамі, паказалі сцэнкі.
Першая настаўніца Зінчанка Г.М. з цеплынёй развітвалася са сваімі выхаванцамі, павіншавала іх з паспяховым заканчэннем пачатковай школы, пажадала поспехаў у далейшай вучобе, падзякавала бацькоў за дапамогу ў выхаванні дзяцей, павязала выпускнікам ленты. Не абышлося і без слёз – развітвацца з першай настаўніцай было цяжка.
Дырэктар установы адукацыі Адамушка Н. М. пажадала выпускнікам пачатковай школы добрага летняга адпачынку, поспехаў у далейшай вучобе. Уперадзе вучняў чакаюць новыя вучэбныя прадметы, новыя веды, новыя настаўнікі.
