Экскурсія ў УА "Карэліцкі дзяржаўны прафесійны будаўнічы ліцэй"
9 лютага 2019 года ў рамках шостага школьнага дня вучні 6-9 класаў наведалі з экскурсіяй ДУА "Карэліцкі дзяржаўны прафесійны будаўнічы ліцей". У пачатку экскурсіі вучняў пазнаёмілі з гісторыяй ліцэя, з буднямі установы адукацыі і перспектывамі далейшага развіцця адукацыйнага працэсу ў ліцэі. Экскурсанты былі прыемна ўражаны тым, што сярод стыпендыятаў спецыяльнага Фонду Прэзідэнта РБ па сацыяльнай падтрымцы адораных вучняў і студэнтаў быў і выпускнік нашай установы адукацыі - Макарэвіч Аляксандр, пераможца Рэспубліканскага конкурса прафесійнага майстэрства 2012 г. (першае месца). Далей наведалі музей установы адукацыі, і былі таксама прыемна ўражаны тым, наколькі эстэтычна і з вялікім майстэрствам зроблены экспанаты, якія знаходзяцца ў музеі. Пазнаёмілі наведвальнікаў і з умовамі пражывання навучэнцаў у інтэрнаце. Прысутнічалі на майстар-класе, на якім пазнаёміліся, як правільна карыстацца газазварачным апаратам, быў паказаны сам працэс зваркі. А некаторыя з навучэнцаў нават самі паспрабавалі папрацаваць. Экскурсія закончылася запрашэннем паступаць у дадзеную ўстанову адукацыі.
Дзякуем за цікавую экскурсію.
Фотарэпартаж з экскурсіі.
