Конкурс прафесійнага майстэрства педагогаў "Настаўнік года-2023"
03 лютага 2023 года адбыўся фінал раённага этапу рэспубліканскага конкурсу "Настаўнік года-2023". Фіналістам дадзенага конкурсу была настаўніца нашай установы адукацыі Казлова Таццяна Уладзіміраўна, якая выкладае беларускую мову і літаратуру. Да фіналу Таццяна Уладзіміраўна дала адкрыты ўрок ў ДУА "СШ № 2 г.п.Карэлічы", падрыхтавала і правяла майстар-клас "Актыўныя метады навучання на ўроках беларускай мовы", падзялілася вопытам сваёй работы. У заключным выпрабаванні пастаралася данесці сваю думку на важную для педагога тэму “Выхаваць чалавека…”. Звярнула ўвагу прысутных на выхаванне грамадзянска-патрыятычынх і духоўна-маральных якасцей вучняў праз урокі беларускай мовы, пазакласную работу па прадмеце, пазаўрочную дзейнасць. Таццяна Уладзіміраўна адзначыла ў інтэрв'ю, што " настаўнік – гэта чалавек, які проста не мае права спыняцца ў сваім развіцці. Ён абавязаны безупынна пашыраць гарызонты сваіх прадметных і педагагічных ведаў. Думаю, што конкурс “Настаўнік года” – адзін з самых эфектыўных спосабаў павышэння кваліфікацыі, а яшчэ гэта выдатная магчымасць прадэманстраваць сваё майстэрства, падзяліцца дасягненнямі і ў той жа час пазнаёміцца з вопытам калег. Усе этапы – ад урокаў да выступлення на сцэне перад шырокай аўдыторыяй – былі цікавымі, дзесьці напружанымі. Усе, зразумела, не маглі стаць пераможцамі, але для кожнага з удзельнікаў – гэта нейкае новае адкрыццё сябе як прафесіянала сваёй справы. Сённяшнім пераможцам жадаю поспеху на абласным этапе". А мы жадаем Вам, Таццяна Уладзіміраўна, творчых поспехаў, здзяйснення усіх мараў і жаданняў.
