Навіны шостага школьнага дня
У рамках шостага школьнага дня 28 студзеня 2023 года вучні ІХ-Х класаў прынялі ўдзел у віртуальнай экскурсіі “Памяці ахвяр Халакоста” да Міжнароднага дня памяці ахвяр Халакоста. Падчас мерапрыемства рабяты больш дэталёва пазнаёміліся з паняццямі “халакост”, “генацыд”, “антысемітызм”. Здзяйсняючы экскурсію па “фабрыках смерці” Еўропы і Беларусі, вучні пазнаёміліся з жудаснымі фактамі жахлівага фашысцкага рэжыму знішчэння людзей часоў Другой сусветнай вайны. Усе ўдзельнікі мерапрыемства выказалі агульнае меркаванне аб тым, што кожнаму жыхару Беларусі неабходна ведаць і памятаць гісторыю Халакоста, рабіць ўсё магчымае, каб гэтая жудасная катастрофа ніколі не паўтарылася. Рабяты выказалі сцвярджэнне, што ў гэты дзень увесь цывілізаваны свет павінен схіліць галаву перад ахвярамі варварскіх акцый нацыстаў, якія сталі трагічным пралогам Халакоста.
Вучні 1-4 класаў прынялі ўдзел у конкурснай праграме “Сям’я і кніга”. Палякова Т.І. расказала, што сям’я - гэта крыніца любові, павагі, салідарнасці, тое, без чаго цяжка існаваць чалавеку. Рабяты ўспомнілі прыказкі пра сям’ю, адгадвалі загадкі. Дзяцей пазнаёмілі з выставай кніг, якія чыталі ў дзяцінстве мамы, таты, бабулі і дзядулі.
