Экскурсія ва УК "Навагрудскі гісторыка-краязнаўчы музей" і народны гісторыка-краязнаўчы музей "Дзеці ліхалецця" ў ДУА "Наваельненская сярэдняя школа"
23 снежня вучні 10-11 класаў у рамках пілотнага праекта наведалі УК "Навагрудскі гісторыка-краязнаўчы музей" і народны гісторыка-краязнаўчы музей "Дзеці ліхалецця" ў ДУА "Наваельненская сярэдняя школа".
У гісторыка-краязнаўчым музеі прадстаўлена экскурсія на тэму "Станаўленне і развіццё дзяржаўнасці на тэрыторыі Беларусі". Вучні папоўнілі свае веды па дадзенай тэме, узгадалі асноўныя этапы фарміравання гістарычных форм дзяржаўнасці на тэрыторыі Беларусі, паглыбілі свае веды па пытаннях грамадска-палітычнага становішча беларускіх зямель у складзе Полацкага, Тураўскага княстваў, Кіеўскай Русі, Вялікага Княства Літоўскага і Рэчы Паспалітай, пра дзейнасць дзяржаўных асоб на тэрыторыі Беларусі.
У музеі "Дзеці ліхалецця" вучні пачулі ад кіраўніка музея Тамары Уладзіміраўны Крывень гісторыю пра лёсы дзяцей камуністаў-палітычных эмігрантаў, якія 21 чэрвеня 1941 года прыбылі з Масквы на адпачынак у санаторый "Наваельня". Кіраўнік музея расказала, як пачыналася і праходзіла Вялікая Айчынная вайна на тэрыторыі Наваельні. Вучні з цікавасцю разглядвалі макет гарадскога пасёлка ў перадваенны час,даведаліся, якім быў пасёлак раней. З цікавасцю слухалі расказ Тамары Уладзіміраўны пра лёсы дзяцей у пасляваенны час.
