Школа Актыўнага Грамадзяніна ў ІХ класе
У рамках рэалізацыі інфармацыйна-адукацыйнага праекта “Школа Актыўнага Грамадзяніна” 21 красавіка 2022 года ў ІХ класе прайшла чарговая інфармацыйная гадзіна “Вызваленне Беларусі ад германскіх захопнікаў”.
У інфармацыйным блоку ШАГ 1 “Мы даведваемся” настаўнік гісторыі Шайбак Людміла Уладзіміраўна пазнаёміла ўдзельнікаў з тэмай правядзення дня інфармавання і са зместам інфармацыйных блокаў. Дадзены блок прадугледжваў актуалізацыю ведаў вучняў аб беларускай наступальнай аперацыі “Баграціён”, вызваленні Мінска і выгнанні нямецка-фашысцкіх захопнікаў з тэрыторыі Беларусі, узаемадзеянні партызан, падпольшчыкаў і насельніцтва з войскамі Чырвонай Арміі.
Акрамя інфармацыі, Людміла Уладзіміраўна прадставіла вучням цікавы відэаматэрыял “Мінск – горад-герой. Шлях вызвалення”, які дапоўніў карціну мінулых падзей ваеннага часу матэрыяламі гераізму байцоў Чырвонай Арміі, партызан, падпольшчыкаў і мірнага насельніцтва па вызваленни тэрыторыі Беларусі ад нямецка – фашысцкіх захопнікаў.
У рамках Шага 2 “Мы разважаем” вучні актыўна ўключыліся ў абмеркаванне інфармацыі, якая была атрымана ў Шагу 1. Вучні вялі дыскусію па наступных пытаннях:
- Якую ролю ў вызваленні Беларусі адыгрывалі партызаны і падпольшчыкі?
- Якую задачу вырашала «рэйкавая вайна» падчас Беларускай наступальнай аперацыі?
- Якія асноўныя вынікі аперацыі «Баграціён» і яе ваенна-палітычнае значэнне?
У ходзе рэалізацыі ШАГа 3 “Мы дзейнічаем” падведзены вынікі інфармацыйнай гадзіны. Адзначана, што беларуская наступальная аперацыя “Баграціён” па сваіх маштабах, колькасці сіл, што ўдзельнічалі ў ёй, з’яўляецца адной з самых буйных не толькі ў Вялікай Айчыннай , але і ў Другой сусветнай вайне. У ходзе паспяховага завяршэння аперацыі “Баграціён” фактычна спыніла сваё існаванне адна з самых моцных груповак вермахта – група армій “Цэнтр”, страты якой былі непамерна вялікімі. Баявыя дзеянні партызанскіх атрадаў і брыгад набылі шырокі размах на ўсёй тэрыторыі рэспублікі, і ў першую чаргу на галоўных шляхах адступлення гітлераўскіх войск. Актыўна ўдзельнічалі ў вызваленні Беларусі падпольшчыкі і насельніцтва. Яны стваралі групы для назірання за прамысловымі прадпрыемствамі і пабудовамі, якія захопнікі планавалі знішчыць. Дом урада, будынак ЦК КП(б), Дом афіцэраў і многія прадпрыемствы ў Мінску былі выратаваны толькі дзякуючы сумесным намаганням перадавых часцей, што ўварваліся ў горад, і мясцовых падпольшчыкаў.
Каб бліжэй пазнаёміць вучняў з матэрыяламі вызвалення Беларусі ад германскіх захопнікаў, прапанавана вучням падрыхтаваць паведамленне аб тым, як адбывалася вызваленне Карэліцкага раёна.
