Апошні школьны дзень -2020
У 2020 годзе свята Апошняга званка ўвойдзе ў гісторыю, бо ў гэтым годзе рэкамендуецца абысціся без масавых мерапрыемстваў у сувязі з эпідэміялагічнай сітуацыяй у свеце.
29 мая 2020 года ва ўстанове адукацыі прайшлі апошнія гадзіны сумесных зносін і апошні званок для вучняў 11 класа. Не было традыцыйнай агульнашкольнай лінейкі так, як гэта было раней.
Прайшлі класныя гадзіны "Вынікі вучэбнага года". Дырэктар уручыла граматы за 2019 -2020 навучальны год выдатнікам вучобы, пераможцам алімпіяд, лепшым спартсменам, актывістам.
На апошнім уроку юнакі з 11 класа развітваліся з дзяцінствам, з незабыўнымі, вясёлымі, непаўторнымі падзеямі школьнага жыцця. Навучэнцы 11 класа сумесна з педагагічным калектывам і адміністрацыяй школы азірнуліся ў мінулае і ўспомнілі, якімі вясёлымі, смешнымі, гарэзнымі, няўрымслівымі і знаходлівымі дзецьмі былі нашы выпускнікі.
Штогадовы сімвалічны школьны званок, які апавяшчаў аб заканчэнні навучальнага года, у цяперашніх умовах звінеў у калідорах навучальнай установы. А навучэнцы слухалі яго, седзячы за сваімі партамі. Апошні званок кожны пачуў у сваім класе. Гэта не зусім звычайны Апошні званок, але гэта тое свята, якое з нецярпеннем чакаў кожны выпускнік нашай школы, кожны вучань. Адных Апошні званок адпраўляў на доўгачаканыя канікулы, для другіх – настае самы напружаны час – экзамены.
Мы жадаем нашым выпускнікам ўдачы на экзаменах!
Віншуем навучэнцаў школы з пачаткам летніх канікул!
Хай час адпачынку не пройдзе дарма, а верне ўсіх моцнымі, здаровымі, прыгожымі, гатовымі да новага старту.
